Җырлар

ТАКМАКЛАР

 1  2  3  4  5  6  7  8  9  10


Ызба башы түгәрәк,
Килеп кунды күбәләк.
Әгәр ишеткән булсагыз,
Әйдә, җырлыйк бергәләп.

Нигә элдең йөрәгемә
Назлы сөю бишеген.
Каян таптың, ничек ачтың
Йөрәгемнең ишеген.

Ак шәлләргә төрендең,
Су алырга үрелдең.
Күләремә суда йөзгән
Аккош булып күрендең.

Их язлары, язлары,
Язларының майлары.
Эреттең, эреттең, эреттең, эреттең
Йөрәгемнең майларын.

Нигә һаман шаяртасың,
Нигә һаман көләсең.
Сагындым, бер үп, диясең
Үбим, дисәм, китәсең.

Без урамнардан узарбыз
Тимер чана сыздырып.
Йокың килсә, йокла, җаным,
Уятырмын сызгырып.

Зәңгәр күлгә төшәрсең,
Суларында йөзәрсең.
Минем белән бергә булсаң,
Җәннәтләргә керерсең.

Чәчәләреңнең үрмәсен,
Тасма белән үрмә син.
Билләренә күз салмагыз,
Өзелеп китә күрмәсен.

Әй, иркәм, нәрсә әйтим,
Синсез күңелем ятим.
Бүгеннән өйләнер идем,
Әнием кушмый, нишләтим.

Чын бәхетем – мәхәббәтем,
Тапламагыз сез аны.
Саклагыз бәхетегезне,
Эзләмәгез яңаны.

2010.




Сайт управляется системой uCoz