Таныш булыйк!
Җырлар
ТАКМАКЛАР
Татарча “кая барасың”,
Урысча “куда пойдешь”.
Ярыңны кеше алса,
Пожалуй, с ума сойдешь.
Бездә хәзер шундый мода:
Кызлар кия фуражка.
Иреннәренә сылыйлар
Кило ярым краска.
Ага сулар, ага сулар,
Ага сулар арыктан.
Кызын озатырга баргач,
Куркып качакан сарыктан.
Кара бөдрә чәчләремне
Тарадым, үрә алмадым.
Тауга менеп, ташка басып,
Карадаым, күрә алмадым.
Аргы урамнан килдеңме,
Бирге урамнан килдеңме.
Без сагынганны белдеңме,
Үзең сагынып килдеңме?
Мөслим урта мәктәбенең 6 нчы А сыйныфы укучысы Мортазин Ирек язып алып килде. 2011 нче ел.
Биек булса коймагыз,
Ак буяуга буягыз.
Пожалуйста, үзегезне
Әллә кемгә куймагыз.
Иске Вәрәш авылында яшәүче Фазлыева Раушания (1964 нче елда туган) авызыннан Мөслим урта мәктәбенең 6 нчы Б сыйныфы укучысы Лотфуллина Эльза язып алды. 2011 нче ел.
Без үзебез Мөслимнеке,
Үстек Ык буйларында.
Мөслим булгач, кирәк түгел
Безгә Парижлары да.
Әнә килә автомобиль,
Төягәннәр ашлама.
Яшь гомерләр ике килми,
Бер килсә дә ничава.
Иске Вәрәш авылында яшәүче Хафизова Лилия Мөнир кызы (1976 нчы елда туган) авызыннан Мөслим урта мәктәбенең 6 нчы Б сыйныфы укучысы Хафизова Динара язып алды.
Иртән торып битне юдым
Роза сабыны белән.
Сабыны да суга төште
Сине сагыну белән.
Мөслим урта мәктәбенең 6 нчы Б сыйныфы укучысы Могаров Искәндәр язып килде. 2011 нче ел.
Ак алъяпкыч бәйлиләр дә
Бавын салындыралар.
Бииселәре дә килә,
Ләкин ялындыралар.
Иске Вәрәш авылында яшәүче Мөҗәллия Шакировадан (1938 нче елда туган) Мөслим урта мәктәбенең 6 нчы Б сыйныфы укучысы Хәсәншина Раилә язып алды.
Урам аша чыккан чакта
Сындырдым талыгызны.
Шул сындырган талыгыздан
Сорадым хәлегезне.
Мөслим урта мәктәбенең 6 нчы Б сыйныфы укучысы Мирсалихов Камил язып алып килде. 2011 нче ел.
