Таныш булыйк!
Җырлар
Туган тел (татар халык көе, Габдулла Тукай сүзләре)
Ирләр вокаль квартеты башкара.
И туган тел, и матур тел,
әткәм-әнкәмнең теле!
Дөньяда күп нәрсә белдем
Син туган тел аркылы.
Иң элек бу тел белән
әнкәм бишектә көйләгән,
Аннары төннәр буе
әбкәм хикәят сөйләгән.
И туган тел! Һәрвакытта
Ярдәмең белән синең
Кечкенәдән аңлашылган
Шатлыгым, кайгым минем.
Җыр совет заманында яздырылган булу һәм бу вакытта шигырьнең соңгы строфасы халыктан яшерелгән булу сәбәпле, аудиоязмада әлеге сүзләр җырланмый:
И туган тел! Синдә булган
Иң элек кылган догам:
Ярлыкагыл, дип, үзем Һәм
әткәм-әнкәмне, Ходам!
